🚀 Kíktu á bakvið tjöldin!
Við erum að taka tjalda.is í gegn - kíktu á nýja vefinn.
Við erum að taka tjalda.is í gegn - kíktu á nýja vefinn.
Tjaldsvæðið í Húsafellsskógi hefur notið mikilla vinsælda í áraraðir . Stæðin eru á miðju orlofssvæðinu og göngufæri í sund, golf, leiktæki, verslun og veitingar. Tjaldsvæðið er rétt við Hótel Húsafell.
Tjaldsvæðið í Húsafellskógi
Tjaldsvæðið í Húsafellsskógi hefur notið mikilla vinsælda í áraraðir. Stæðin eru á miðju orlofssvæðinu og göngufæri í sund, golf, leiktæki, verslun og veitingar. Rafmagnstenglar eru á u.þ.b. 80 stæðum og þarf tengi skv. evrópskum stöðlum. Á tjaldsvæðinu er salerni, sturta, eldhús, heitt og kalt vatn auk þvottaaðstöðu.
Yfir hásumarið er tendraður varðeldur öll laugardagskvöld kl. 21 ef veður og brunavarnir leyfa.
Rekin er fjölskyldustefna í Húsafelli sem m.a. snýr að því að hafðar eru þarfir fjölskyldunnar í huga við uppbyggingu staðarins, leitast er við að gera gesti meðvitaða um samfélagslega ábyrgð á uppeldi barna, að unglingar skuli ávallt vera í fylgd forráðamanna og að skemmtanir miðast við sameiginlega hagsmuni fjölskyldunnar.
Umgengnisreglur Húsafells
Sýnið öðrum gestum tillitssemi. Yfir nóttina frá kl. 24:00 til kl. 09:00 er stranglega bannað að vera með hávaða eða annað ónæði
Gangið þrifalega um landið. Brýnið góða umgengni fyrir börnum og verið þeim til fyrirmyndar.
Látið allt rusl í ruslagáma, sem eru við innkeyrsluna á svæðinu.
Hlífið gróðri, bannað er að kveikja opinn eld á svæðinu. Notið ekki grill sem liggja á eða við jörð.
Akið ekki utan vegarslóða og athugið að 20 km/klst hámarkshraði er á sumarhúsa- og tjaldsvæðum.
Lausaganga hunda er stranglega bönnuð og er skylt að þrífa eftir þá.
Aðgangur ungmenna að svæðinu, án forráðamanna er bannaður
Notkun torfæruhjóla er bönnuð í landi Húsafells.
Gerið starfsfólki aðvart ef þið verðið fyrir ónæði.
Brot á lögum eða umgengisreglum varðar brottrekstur af svæðinu, án nokkurra bóta
Hægt er að leigja blakbolta, fótbolta, körfubolta og kubbaspil í tjaldmiðstöð.
Nánari upplýsingar má finna í afþreyingarmiðstöð eða í síma 435-1556 og í netfangi camping@husafell.is
Vefsíða: www.husafell.is/gisting/tjaldsvaedi
Opnunartími
Opið frá 1. júní - 31 ágúst.
Verð 2025
Gestir á tjaldsvæði skulu ávallt skrá komu sína og greiða gistigjald við komu.
FYRSTU NÓTTINA
Fullorðnir: 1.980 kr.
Börn (7-17 ára): 990 kr.
VIÐBÓTARNÆTUR
Fullorðnir: 1.760 kr.
Börn (7-17 ára): 770 kr.
ÖNNUR GJÖLD
Rafmagn (á sólarhring): 1.790 kr.
Tjaldgjald: 800 kr.
Gistináttagjald: 400 kr.
SUMARSTÆÐI
Tjaldgjald: 53.400 kr.
Rafmagn: 75.900 kr.
Rafmagnstenglar (leiga): 6.050 kr.
