Bíldudalur

Sumarið 2025 er það á tveimur stöðum, annars vegar við íþróttamiðstöðina Byltu að Hafnarbraut 15 og hins vegar við Skrímslasetrið að Strandgötu 7. Tjaldsvæðið er búið salernum, köldu og heitu vatni, þvottavél og þurrkara. Rafmagn og seyrulosun er fyrir húsbíla, og ruslagámar eru á staðnum. Í íþróttahúsinu er góð baðaðstaða og heitur pottur.

Þjónusta í boði

Lýsing á aðstöðu

Á Bíldudal er fjölbreytt afþreying í boði þar sem er að finna hið einstaka Skrímslasetur og tónlistarsafnið Melódíur minninganna. Hægt er að komast í styttri og lengri skipulagðar ferðir útfrá Bíldudal, siglingu og sjóstöng. Margir fallegir og áhugaverðir staðir eru allt í kring sem vert er að skoða m.a. Selárdal þar Gísli í Uppsölum bjó og Samúel Jónsson listamaðurinn með barnshjartað, safn Jóns Sigurðssonar á Hrafnseyri.

Hin stórfenglega náttúra svæðisins býður upp á óþrjótandi möguleika á eigin vegum en einnig er hægt er að komast í margvíslegar skipulagðar ferðir um svæðið, styttri og lengri gönguferðir, rútuferðir, siglingu og sjóstöng, einn af fegurri fossum landsins, Dynjandi, er í Arnarfirði, í Reykjafirði er heit sundlaug og náttúrulaug, Rauðisandur við Breiðafjörð, Minjasafn Egils Ólafssonar í Örlygshöfn, Látrabjarg stærsta fuglabjarg Evrópu, auk heillandi skeljasandsfjara vítt og breitt um svæðið.

Verð

Verð 2025

Fullorðnir fyrir 18 og eldri: 1.855 kr. á mann
Eldri borgarar og öryrkjar: 1.485 kr. á mann
Börn að 18 ára: Frítt

3 nætur dvöl: 3.888 kr á mann
4 nætur dvöl: 5.178 kr. á mann
5 nætur dvöl: 6.468 kr. á mann
6 nætur dvöl: 7.764 kr. á mann
Vikudvöl: 9.055 kr. á mann

Rafmagn hvern sólarhring: 1.594 kr
Þvottavél og þurrkari hvert skipti: 1.730 kr

Á gistinótt bætist við gistináttaskattur eins og hann er hverju sinni 400 kr per einingu