Á tjaldsvæðinu á Dalvík er heitt og kalt vatn, 2 sturtur og snyrtingar ásamt aðstöðu til að þvo leirtau.
Tjaldsvæðið er við suðurinnkeyrsluna í bæinn (þegar komið er frá Akureyri) alls 9.500 fermetrar að stærð. Það stendur við hlið íþróttasvæðisins, skólans og Sundlaugar Dalvíkur. Í kring er góð aðstaða til leikja fyrir börn, grasbalar fyrir leiki og boltaspark, gervigras sparkvöllur, körfuboltavöllur og ýmis leiktæki.
Á tjaldsvæðinu er heitt og kalt vatn, sturtur og snyrtingar með aðgengi fyrir fatlaða. Á svæðinu er góð aðstaða innandyra, þar er hægt að þvo leirtau og elda. Innandyra er aðstaða til að setjast niður.
Hægt er að komast í þvottavél, þurrkara og aðstöðu til að þurrka skóbúnað.
Einnig er rennandi vatn fyrir áfyllingar á vatnstanka og niðurfall fyrir losun ferðaklósetta.
Aldurstakmark er 18 ár nema í fylgd með forráðamönnum. Starfsmenn á vegum tjaldsvæðis munu sjá um að rukka aðgang að tjaldsvæðinu. Þeim tilmælum er þó beint til gesta að hafa samband í síma 625-4775 til að greiða fyrir gistingu og afnot af rafmagni eftir því sem við á ef starfsmenn hafa ekki haft samband fyrir brottför. Í Sundlaug Dalvíkur er einnig að finna upplýsingar um Dalvíkurbyggð og nágrenni og starfsfólk leitast við að aðstoða gesti ef upplýsingar vantar.
Verð 2023
Gjald fyrir fullorðna er 2.200 kr hver nótt
Gjald fyrir eldri borgara og öryrkja er 1.000 hver nótt
Frítt fyrir 16 ára og yngri
Sturtur og aðgangur að eldhúsi/aðstöðu er innifalin í verði.
Rafmagn er 1.300 kr hver nótt
Þvottavél 800 kr
Þurrkari 800 kr
