"

Eyrarbakki

Eyrarbakki er vinalegt þorp við Suðurströndina sem státar af mikilli sögu, vel varðveittum gömlum húsum og fallegri náttúru. Tvö söfn eru á Eyrarbakka, Byggðasafn Árnesinga sem er staðsett í Húsinu, sögufrægum bústað kaupmanna, og Sjóminjasafnið sem er örskammt frá. Í Húsinu ríkir hlýlegur og heimilislegur andi og sagan er við hvert fótmál. Söfnin standa í miðju þorpi rétt við kirkjuna. Í Eyrarbakkakirkju er að finna altaristöflu málaða af Louise drottningu Kristjáns IX. Á sömu torfu er veitingastaðurinn Rauða Húsið sem tekur vel á móti svöngum ferðalöngum hvort sem er í kaffi eða mat. Allir verða að taka sér göngutúr um þorpið. Þá má virða fyrir sér gömlu húsin, heimsækja handverkskonuna Regínu eða koma við í gamla frystihúsinu í Gónhól þar sem eru markaðir og gallerí. Austarlega á Bakkanum er Vesturbúðin, alhliða verslun og bensínstöð þar sem helstu nauðsynjavörurnar fást og hægt að horfa á boltann í beinni.


Þjónusta í boði

  • Hundar leyfðir
  • Þvottavél
  • Barnaleikvöllur
  • Kalt vatn
  • Rafmagn
  • Salerni
  • Heitt vatn
  • Sturta

Lýsing á aðstöðu

Tjaldsvæðið er staðsett vestast í þorpinu í rólegu og þægilegu umhverfi, góðar gönguleiðir eru frá tjaldsvæðinu hvort sem um er að ræða að skoða rómaðan Eyrarbakkan eða skemmtileg fjöruganga.

Tjaldsvæðið er einfalt með köldu og heituvatni, Rafmagn er á svæðinu. Leiksvæði er mjög fínt.

Bygging stendur yfir á nýju þjónustuhúsi þar sem verða sturtur, ásamt þvottavél og þurkara, áætlað er að það verði tekið í notkun um miðjan júní.


Verð

Verð 2020

Verð pr tjald / hýsi: 2.000 kr
Verð fyrir rafmagn: 1.000 kr pr nótt