Heydalur er í 130 km fjarlægð frá Ísafirði, 110 km frá Hólmavík. Ekið er 12 km inn dalinn og komið að tjaldsvæðinu við Heydalsá fyrir neðan hótelið. Tjaldsvæðinu er skipt í grasi gróna reiti með trjágróðri. Sérlega friðsælt og langt frá allri bílaumferð. Dalurinn er kjarri vaxinn og fallega gróinn. Stórbrotin gil og fossar innar í dalnum.
Á tjaldsvæðinu er snyrtiaðstaða með heitu vatni, salernum og sturtum. Rafmagn fyrir húsbíla og tjaldvagna. Handan Heydalsár er heit náttúrulaug. Lítil innisundlaug í gróðurhúsi og heitur pottur fyrir utan. Leiksvæði bæði fyrir yngri börn og unglinga. Frábært umhverfi til gönguferða og leikja í kjarrinu. Á vorin er fjölbreytt fuglalíf. Á svæðinu er veitingasala með vínveitingaleyfi. Lögð er áhersla á gott hráefni úr heimabyggð. Á staðnum er talandi páfagaukur, kajak- og hestaleiga.
Opnunartími
Tjaldstæðið er opið 1. júní – 1. október
Verð 2024
Fullorðnir (16 ára og eldri) 2000 kr. hver nótt
7-15 ára: 500 kr hver nótt
Gistináttaskattur er 333 kr. fyrir tjald/húsbíl fyrir nóttina.
Frítt í sundlaug, heita potta og náttúrulaug
Rafmagn: 1200 kr. pr. sólarhring
Þvottavél: 1200 kr.
Þurrkari: 1200 kr.
