Kópasker

Tjaldsvæðið Kópaskeri er staðsett við innkeyrsluna í bæinn. Þar er góð aðstaða og góðar gönguleiðir í nágrenni.

Þjónusta í boði

Lýsing á aðstöðu

Tjaldsvæðið á Kópaskeri er við innkeyrsluna inn í þorpið. Þjónustuhúsið með tveim vöskum, sturtu og einu salerni blasir við en tjaldsvæðið sjálft er neðan við bakkann. Þar er mjög skjólgott úr öllum áttum nema sunnanátt.

Á tjaldsvæðinu er kolagrill, rafmagnstenglar og þvottasnúra ásamt pikknik borðum.

Á Kópaskeri er heilsugæsla, útibú Lyfju, útibú Landsbankans, Skerjakolla (verslun), vínbúð, hárskeri og Röndin vélaverkstæði.

Á Kópaskeri er Skjálftasetur, Byggðasafn sem er rétt utanvið þorpið, 9 holu púttvöllur, leiktæki og margt fleira. Margar góðar gönguleiðir eru í nágrenninu og eru sýndar á korti við tjaldsvæðið. Í góðu veðri liggja selir á steinum við ströndina en einnig er fjölbreytt fuglalíf í þorpinu og allt í kring. Á Kópaskeri er verslun og veitingahúsið Skerjakolla. Vefsíða: https://www.facebook.com/budinaskerinu.skerjakolla.


* Fáir rafmagnstenglar eru á svæðinu og ekki hægt að ábyrgjast aðgengi að rafmagni.
* Aðgengi fyrir hjólhýsi að grassvæði er erfitt en hægt er að leggja á malbikuðu plani við hlið
grassvæðis.

Verð

Verð 2025

Verð á fullorðna 2.000 kr. nóttin
Rafmagn: 1.500 kr. nóttin
400 kr gistináttaskattur

Gestir með gilt útilegukortið greiða einungis rafmagn (ef þörf er á) og gistináttaskatt