Tjaldsvæði CJA camping er á bænum Hjalla. Þar er jafnframt rekið lítið gistiheimili, CJA gisting, og stunduð skógrækt. Í heiðinni er Skógræktar- og útivistarsvæði Skógræktarfélags Suður-Þingeyinga. Auk fjölbreyts trjágróðurs má líka finna þar bæði sveppi og ber. Um skógræktina liggja vegslóðar sem tilvaldir eru fyrir göngu- og/eða hjólreiðatúra. Þá er á Laugum sundlaug, líkamsrækt, frjálsíþróttavöllur, lítill golfvöllur og að sjálfsögðu verslun og veitingastaður.
Þjónustuhúsnæðið er upphitað með litlu seturými, snyrtingum og sturtum en einföld eldunar- og uppvöskunaraðstaða er óupphitað rými. Gestir eru hvattir til að flokka allt rusl og aðstaða er til seirulosunar. Upplýsingaskjár með helstu afþreyingu í nágrenninu og opnunartíma verslana og sundlauga er í seturýminu en við erum líka alltaf innan seilingar og veitum fúslega allar upplýsingar og aðstoð enda leggjum við áherslu á að veita persónulega þjónustu.
Upplýsingar um reglur tjaldstæðisins má finna á heimasíðunni.
Til að komast á tjaldsvæðið er beygt heim að Laugum af þjóðvegi 1 í Reykjadal á veg 846. Þegar komið er yfir brúna er beygt til hægri, suðurfyrir sundlaugina. Í miðri brekku upp úr dalbotninum að austanverðu er svo aftur beygt til suðurs (hægri) á ómerktan malarveg sem liggur fram (inn) dalinn og hann ekinn til enda (2 km). þar er Hjalli og Tjaldsvæði CJA. Það eru skilti á brúnni og í brekkunni sem hjálpa til við að vísa veginn. Við gatnamót þjóðvegarins er líka stórt yfirlitskort og annað fyrir framan Íþróttamiðstöðina á Laugum.
Gjaldskrá 2024
Fullorðnir (18 ára og eldri): 1.900 kr
Táningar (13 - 17 ára): 600 kr
Börn (0 - 12 ára): frítt
Rafmagnstengill (á svæðum G - H & L - M): 800 kr
Svæði (gistináttaskattur innifalinn): 500 kr
10% afsláttur ef dvalið er lengur en tvær nætur.
