"

Lífsmótun, Laugar

Lýsing tjaldsvæði

Tjaldsvæði Lífsmótunar er á bænum Hjalla. Þar er jafnframt rekið lítið gistiheimili, CJA gisting, og stunduð skógrækt. Í heiðinni er Skógræktar- og útivistarsvæði Skógræktarfélags Suður-Þingeyinga. Auk fjölbreyts trjágróðurs má líka finna þar bæði sveppi og ber. Um skógræktina liggja vegslóðar sem tilvaldir eru fyrir göngu- og/eða hjólreiðatúra. Þá er á Laugum sundlaug, líkamsrækt, frjálsíþróttavöllur, lítill golfvöllur og að sjálfsögðu verslun og veitingastaður.


Þjónusta í boði

  • Leikvöllur
  • Salerni
  • Eldunaraðstaða
  • Rafmagn
  • Eldunaraðstaða
  • Sturta
  • Gönguleiðir

Lýsing á aðstöðu

Þar sem tjaldsvæðið er allt hólfað niður er auðvelt að láta taka frá fyrir sig bás. Hafa má samband samdægurs í síma eða með smáskilaboðum en það er líka hægt að panta fram í tímann. Þjónustuhúsnæðið er með upphituðum snyrtingum og sturtum en einföld eldunar- og uppvöskunaraðstaða er óupphitað rými. Gestir eru hvattir til að flokka allt rusl og aðstaða er til seirulosunar. Upplýsingatafla með helstu afþreyingu í nágrenninu og opnunartíma verslana og sundlauga er utan á þjónustuhúsi en starfsfólkið er líka alltaf innan seilingar og veitir fúslega allar upplýsingar og aðstoð.

Upplýsingar um reglur tjaldstæðisins má finna á heimasíðunni.

Til að komast á tjaldsvæðið er beygt heim að Laugum af þjóðvegi 1 í Reykjadal á veg 846. Þegar komið er yfir brúna er beygt til hægri, suðurfyrir sundlaugina. Í miðri brekku upp úr dalbotninum að austanverðu er svo aftur beygt til suðurs (hægri) á ómerktan malarveg sem liggur fram (inn) dalinn og hann ekinn til enda (2 km). þar er Hjalli og Tjaldsvæði Lífsmótunar. Það eru skilti á brúnni og í brekkunni sem hjálpa til við að vísa veginn. Við gatnamót þjóðvegarins er líka stórt yfirlitskort og annað fyrir framan Íþróttamiðstöðina á Laugum.


Verð

Verð 2020

Básaleiga á svæðum A – E: 600 kr.
Bílastæði á svæði L: 800 kr
Básaleiga á svæðum I – K: 1.000 kr.
Bílastæði á svæði M (rafmagnstengill innifalinn): 1.400 kr
Básaleiga á svæðum G – H (rafmagnstengill innifalinn): 1.600 kr.
Básaleiga með okkar hjólhýsi F4 (rafmagn og hitari innifalinn): 3.000 kr
Básaleiga með kofanum F3 (rafmagn og hitari innifalinn): 4.000 kr.

Fullorðnir (18 ára og eldri): 1.000 kr.
Táningar (13 – 17 ára): 500 kr.
Börn (0 – 12 ára): frítt

20% afsláttur af öllum verðum ef dvalið er lengur í senn en 2 nætur.
20% afsláttur af gjaldi fyrir fullorðna og táninga þegar ekki er full þjónusta (yfir vetrarmánuðina).

Dæmi:
2 fullorðnir á bás J3 = 1.000+1.000+1.000 = 3.000
1 fullorðinn í hjólhýsinu okkar F4 = 1.000+3.000 = 4.000
2 fullorðnir, 1 táningur og 1 barn á bás með rafmagni t.d. G2 = 1.000+1.000+500+0+1.600 = 4.100

Á ljósmynd má sjá kort af svæðinu þar sem básarnir eru merktir inná