"

Ólafsvík

Tjaldsvæðið í Ólafsvík er við austari enda bæjarins og er því strax þegar komið er að bænum frá Fróðárheiði / Grundarfirði / Reykjavík. Þar er aðstaðan nokkuð góð en lítið þjónustuhús er á miðju svæðinu með heitu og köldu vatni, sturtum og salerni.


Þjónusta í boði

  • Golfvöllur
  • Rafmagn
  • Veiðileyfi
  • Sundlaug
  • Sturta
  • Gönguleiðir
  • Leikvöllur
  • Veitingahús
  • Salerni

Lýsing á aðstöðu

Rafmagnstenglar eru á svæðinu en hægt er að leigja aðgang að rafmagni. Tjaldsvæðið býður einnig uppá wifi þjónustu. Leiktæki eru einnig á svæðinu. Svæðið er nokkuð slétt og er girt af. Tjaldstæðið er skjólgott og er í 10 mín göngufæri frá miðbæ Ólafsvíkur, 15 mín ganga er í sundlaugina og pósthúsið. Margar góðar gönguleiðir eru frá tjaldsvæðinu í Ólafsvík. Tjaldsvæðið er í umsjón Upplýsingamiðstöðvar Snæfellsbæjar sem er staðsett í Ólafsvík.

Ólafsvík er stærsti þéttbýliskjarninn í Snæfellsbæ með um 1000 íbúa. Sjávarútvegur og stór höfn móta bæjarmyndina í Ólafsvík. Bæjarstæði er óvíða fegurra en í Ólafsvík. Fossar steypast af fjallsbrúnum að baki byggðinni og vatnsfarvegir hafa fengið að halda upprunalegu svipmóti sínu í bænum. Í Ólafsvík hefur verið komið upp skemmtilegu verslurnar- og verkháttasafni í “Pakkhúsinu”, gömlu verslunarhúsi sem reist var árið 1844 og stendur í hjarta bæjarins. Þar er líka handverkssala íbúa Snæfellsbæjar. Í Ólafsvík eru bensínstöðvar, verslanir, sundlaug, safn, heilsugæsla, pósthús og önnur nauðsynleg þjónusta.


Verð

Verð 2020

Fullorðinn: 1.500 kr
14 – 16 ára: 500 kr
Frítt fyrir yngri en 14 ára.
Aldraðir og öryrkjar: 1.000 kr
Rafmagn: 700 kr