Þórsvöllur, Vestmannaeyjum

Tjaldsvæðið við Þórsvöll opnaði sumarið 2007.  Þaðan er stutt í alla helstu þjónustu en sundlaugin er í 250 metra fjarlægð, 350 metrar eru í matvöruverslun og 150 metrar í gólfvöll.

Á tjaldsvæðinu er þjónustuhús með eldunaraðstöðu, þvotta- og þurrkaðstöðu og salernistöðu. Á svæðinu er rafmagn og vatn fyrir húsbíla, fellihýsi og tjaldvagna. Leiksvæði fyrir börn er til staðar. Stutt er í þjónustu frá tjaldsvæðinu.

• 250 metrar í sundlaug og íþróttamiðstöðina
• 350 metrar í matvöruverslun
• 150 metrar í golfvöll

Vestmannaeyjar eru um 15-18 eyjar þar sem Heimaey er eina byggða eyjan.  Flogið er daglega á milli lands og eyja og einnig siglir ferjan Herjólfur frá Landeyjarhöfn til eyja og tekur siglingin um 35 mínútur.  Um 4.000 íbúar búa í Vestmannaeyjum og er því öll þjónusta þar til staðar.  Mikið líf er í vestmannaeyjum yfir sumartímann með frægu Shell fótboltamóti og er hápunktinum náð yfir þjóðhátíð sem er haldin um verslunarmannahelgi. 23. janúar 1973 var örlagaríkur dagur í sögu Vestmannaeyja þegar eldgos hófst í Heimaey.  Næstum allir íbúar voru fluttir í burtu og snéru ekki aftur fyrr en gosinu lauk í júní sama ár.  Mikið eignatjón varð en allir íbúar sluppu heilir.  Fyrir ferðamenn sem koma til Vestmannaeyja þá er nauðsynlegt að fara á gosslóðir en enn má finna yl í jörðinni þegar grafið er stutt niður.

Opnunartími
8. júní – 12. ágúst

Verð 2020

Verð fyrir fullorðna:  1.500 kr
12 ára og yngri:  Frítt
Rafmagn:  950 kr

Upplýsingar um Þjóðhátíð

Fimmtudagur – Þriðjudagur:  6.900 kr fyrir hvern einstakling 17 ára og eldri.
Laugardagur – Þriðjudagur:  3.900 kr fyrir hvern einstakling 17 ára og eldri.

Rafmagn er innifalið í verði fyrir tjaldvagna, fellihýsi og hjólhýsi

Þjónustuhúsið hefur að geyma

• 4 salerni
• 2 sturtur
• Þvottavél
• Þurrkara
• Snúrur

Auk þess eru ferðasalerni á neðra svæði.