Upplýsingar um tjaldsvæðin í Herjólfssdal og við Þórsheimili
Tjaldsvæði Vestmannaeyja - Staðsett í Herjólfssdal og við Þórsheimili
Í Herjólfsdal er þjónustuskáli með salernum, sturtum, eldunaraðstöðu með borðkrók og þvottaaðstöðu. Einnig er þvotta- og salernisaðstaða fyrir neðan Fjósaklett og þvottaaðstaða úti.
Gegn auka gjaldi er aðgengi að rafmagni, þvottavél og þurrkara.
Þá eru einnig leiksvæði fyrir börn á svæðinu.
Í Þórsheimili eru salerni, sturtur, eldunaraðstaða ásamt borðkrók og þvottaaðstaða sem gestir hafa aðgengi að. Einnig er þvottaaðstaða úti.
Á stórum helgum bætast við ferðasalerni á neðra svæði.
Gegn auka gjaldi er aðgengi að rafmagni, þvottavél, þurrkara ásamt geymslu á farangri.
Rétt er að geta þess að takmarkað magn er af rafmagni og plássi á stóru viðburðum sumarsins. Því hvetjum við gesti til að mæta tímanlega.
Óheimilt er að nýta rafmagn til að hlaða bíla.
Hundar velkomnir, en lausaganga bönnuð.
Ferðir
Herjólfur siglir frá Landeyjahöfn 7 ferðir á dag.
Á tímabilinu 1. júlí – 10. ágúst siglir Herjólfur 8 ferðir á dag.
Ferðin tekur aðeins um 35 mínútur.
Nánari upplýsingar um siglingar Herjólfs má finna á https://herjolfur.is
Saga
Vestmannaeyjar samanstanda af 15 eyjum og um 30 skerjum. Þar sem Heimaey er stærst og eina byggða eyjan með tæpa 4700 íbúa. Það er alltaf mikið líf og fjör í Vestmannaeyjum. Yfir sumartímann eru tvö stór fótboltamót, Goslokahátíð og hápunkturinn er svo Þjóðhátíð sem haldin er um verslunarmannahelgina. Auk þess hefur golfvöllurinn og sundlaugin mikið aðdráttarafl sem og fjölda margir frábærir veitingastaðir og verslanir. Að ógleymdri fallegri náttúru hvert sem litið er.
23. janúar 1973 var örlagaríkur dagur í sögu Vestmannaeyja þegar eldgos hófst á Heimaey.
Flestir íbúar urðu að yfirgefa heimili sín í skyndi og flýja eyjuna. Margir sáu húsin sín og megnið af eigum sínum aldrei aftur. Gosið stóð yfir í rúmlega 5 mánuði og eyðilagðist þriðjungur byggðarinnar eða tæplega 400 hús og byggingar. Meðan gosið stóð yfir var mikil óvissa um það hvort nokkurn tímann yrði aftur mannabyggð í Vestmannaeyjum. Enn höfum við ekki náð sama íbúa fjölda og fyrir gos en þá bjuggu hér um 5300 íbúar.
Fyrir ferðamenn sem koma til Vestmannaeyja þá er nauðsynlegt að heimsækja Eldheima sem er stórkostlega vel heppnað safn um Heimaeyjargosið.
Reglur tjaldsvæðisins
Tjaldsvæðið er fjölskyldusvæði og yngri en 18 ára þurfa að vera í fylgd forráðamanns.
Við komu á að greiða dvalargjöld, tjaldvörður er við milli kl. 9 – 24.
Umferð ökutækja á tjaldsvæðinu er takmörkuð, einungis er í boði að aka inn á svæðið til að koma búnaði fyrir og við brottför.
Þar fyrir utan á að leggja bílum á bílastæðum.
Bílastæði eru við Þórsheimili og inní botni Herjólfsdals.
Virða ber næturkyrrð á milli kl. 24 - 8.
Vinsamlegast fylgið leiðbeiningum um flokkun sorps.
Flokkunartunnur eru staðsettar við þjónustuhús.
Gangið vel um svæðið og sýnum hvert öðru tillitssemi.
Verið hjartanlega velkomin, við hlökkum til að taka á móti ykkur.
Kær kveðja
Alli & Kata
Sími: 8609073
Netfang: camping@ve73.is
Opnunartími
1. maí – 30. september. Ekki er tekið á móti pöntunum.
Verðskrá 2025
2500 kr nóttin á einstakling, gistináttaskattur innifalinn
Frítt fyrir 13 ára og yngri
1500 kr rafmagn á sólarhring
1000 kr þvottavél
1000 kr þurrkari
Ekki er tekið á móti pöntunum
