Myllulækur

Nýlegt tjaldsvæði staðsett 12km frá Höfn í Hornafirði með einstakt fjallaútsýni. Svæðið er hólfað niður í stæði með malarfleti og grasfleti svo hentugt er fyrir bíla að leggja. Einnig er svæði sem hægt er að tjalda á.

Þjónusta í boði

Salerni
Kalt vatn
Losun skolptanka
Rafmagn

Heitt vatn
Sturta
Hundar leyfðir

Lýsing á aðstöðu

Tjaldsvæðið við Myllulæk er nýtt tjaldsvæði sem hóf rekstur árið 2021. Aðstaðan á tjaldsvæðinu hentar vel einstaklingum og fjölskyldum. Lítill lækur rennur við tjaldstæðið sem er kjörin fyrir börn að sulla í. Tjaldsvæðið býður upp á einstaka fjallasýn og er staðsett í kringum 12 km. frá Höfn í Hornafirði. Í nánasta nágrenni er fjöldinn allur af áhugaverðum stöðum s.s. Hoffelsjökull, Vestra-Horn, 55 km í Jökulsárlón og Vatnajökul og þar er margvísleg afþreying í boði.