Bolungarvík

.

 

Þjónustuhús fylgir tjaldsvæðinu en þar er matsalur fyrir gesti tjaldsvæðins með eldunaraðstöðu. Einnig er þvottaaðstaða í þjónustuhúsinu með þvottavél og þurrkara og salernis- og snyrtiaðstaða en á opnunartíma sundlaugarinnar er einnig hægt að nýta salerni og snyrtingu þar. Á tjaldsvæðinu er rafmagn, útisnúrur og kolagrill.

Í næsta nágrenni við tjaldsvæðið er íþróttahús, sparkvöllur með gervigrasi, hreystivöllur, frisbígolfvöllur, golfvöllur og svo auðvitað sundlaugin, heitir pottar, upphituð vaðlaug, vatnsrennibraut og kaldur pottur. Einnig er í boði gufubaðstofa með góðri hvíldaraðstöðu.

Sundlaugin er opin á virkum dögum frá kl. 06:15-21:00 og frá kl. 10:00-18:00 um helgar.

Veitingastaðir eru Einarshús og Geiri á sjoppunni. Þá er áhugavert að skoða Sjóminjasafnið Ósvör, Náttúrugripasafn Bolungarvíkur og Grasagarða Vestfjaðra.

Bjarnabúð í Bolungarvík er ein elsta starfandi verslun á Íslandi en hún var stofnuð árið 1927 og svo er Kjörbúð í Bolungarvík.

Sumarveiði er í Syðradalsvatni og ekki er úr vegi að skoða surtarbrandsnámurnar í Syðridal og svo leggja margir leið sína um Bolungarvíkurhöfn.

Margir fara veginn upp á Bolafjall en þaðan er einstakt útsýni í góðu veðri og halda síðan áfram út í Skálavík sem er vinsælt útivistarsvæði.

Gönguleiðir eru einnig fjölmargar: www.bolungarvik.is/gonguleidir

Sundlaug Bolungarvíkur er opin á virkum dögum frá kl. 06:15-21:00 og frá kl. 10:00-18:00 um helgar.

Opnunartími
1. júní – 30. september

Verð 2018

Verð á tjald:  1.300 kr
Verð á hjólhýsi, fellihýsi og húsbíla:  2.300 kr
Rafmagn:  1.000 kr á sólarhring
Þvottavél:  1.100 kr
Sturta í Árbæ:  400 kr

Frí gisting fjórðu hverja nótt.

Á tjaldsvæði Bolungarvíkur gildir útilegukortið. Þá fá meðlimir FÍB afslátt.