Egilsstaðir

.

Egilsstaðir er af mörgum kallaðir höfuðstaðir Austurlands en Fljótsdalshérað er annað stærsta hérað Austurlands með um 4.600 íbúa.  Þar af búa um 2.300 á Egilsstöðum og um 450 manns í Fellabæ sem gerir þetta svæði að stærsta þéttbýliskjarna á Austurlandi.   Mikið úrval verslana er á svæðinu og mikið af þjónustufyrirtækjum sem þjónusta jafnt ferðamenn sem íbúa.   Mikil náttúrufegurð er á Egilsstöðum og í næsta nágrenni sem gerir Egilsstaði að tilvöldum stað til að gista á og ferðast þaðan í dagsferðir til annarra staða á Austurlandi.  Þannig er stutt að fara í Hallormsstaðaskóg, Seyðisfjörð og á Eiðar.

Öll helsta aðstaða er fyrir hendi á tjaldsvæðinu, aðgangur að rafmagni, leiktæki fyrir börn, snyrtingar (einnig með aðgengi fyrir fatlaða), þvottaaðstaða og sturtur. Á svæðinu eru útiborð og bekkir ásamt aðstöðu til að vaska upp. Þar eru einnig tvær hellur og skýli þar sem hægt er að elda í. Í þjónustuhúsi tjaldsvæðisins er að finna Egilsstaðastofu Visitor Center. Kaffi- og kakósjálfsali er í þjónustuhúsinu. Þar er einnig aðgengi að örbylgjuofni og hraðsuðukatli.

Þá er hægt að leigja reiðhjól á tjaldsvæðinu.

Sundlaugin á Egilsstöðum er aðeins 1 km í burtu.

 Opnunartími
Opið allt árið

Opnunartími þjónustumiðstöðvar

1. okt 2018 – 1. apríl 2019:  08:30 – 12:00 alla virka daga.

Opnunartíminn hjá Egilsstaðastofu er birtur með fyrirvara um lengri opnun í vor ef þörf er talin á. Tjaldsvæðið er hins vegar opið allt árið með salernisaðstöðu opinni 24/7

Verð 2020

Verð fyrir fullorðna, 13-67 ára: 2.000 kr.
Ellilífeyrisþegar / Öryrkjar: 1.000 kr.
Verð fyrir börn: Frítt fyrir 12 ára og yngri.
Rafmagn: 1.000 kr. sólahringur.
Verð fyrir þvottavélar og þurrkara: 800 kr.
Aðgangur að þráðlausu neti:  frítt