Laugardalur

.

Tjaldsvæðið í Laugardal er staðsett við hliðina á Laugardalslaug en auk sundlaugarinnar er einnig stutt í aðra þjónustu og afþreyingu og má þar meðal annars nefna fjölskyldu- og húsdýragarðinn, grasagarðinn og listasafn Ásmundar Sveinssonar.   Tjaldsvæðið er með umhverfisviðurkenningu Earth Check fyrir tjaldsvæði. Unnið er að því á hverjum degi að veita tjaldgestum aðstöðu og upplýsingar um ábyrga ferðamennsku, flokkun úrgangs og endurnýtingu.

Tjaldsvæðið rúmar um það bil 650 manns í tjöldum, húsbílum, tjaldvögnum og því er nánast alltaf pláss fyrir nýja gesti. Um það bil 40 bílar geta tengt samtímis í rafmagn og losunaraðstaða fyrir ferðasalerni er í næsta nágrenni við tjaldsvæðið.

 Gestir eru beðnir um að hafa samband við móttöku við komu, en ef þeir koma þegar hún er lokuð er þeim velkomið að koma sér fyrir og hafa síðan samband þegar móttakan opnar aftur. Í móttökunni er unnt að kaupa gas, rauðspritt, póstkort, frímerki og ýmislegt annað sem ferðalangurinn þarf á að halda. Þar er einnig unnt að kaupa heit kaffi og kakó.

Tjaldsvæðið í Laugardal er fimm stjörnu tjaldsvæði og aðstaðan mjög góð. Á tjaldsvæðinu er salernis og sturtuaðstaða, eldunaraðstaða, útigrill, internet, þvottavél og þurrkari og hjólaleiga svo eitthvað sé nefnt en einnig er stutt í aðra þjónustu samanber matvöruverslun, stætó, sund og bensínstöð. Gestir eru beðnir um að flokka sorpið sitt og ganga vel um

Ekki þarf að panta gistingu fyrirfram og ekki eru tekin frá pláss. Frá 1.júní – 1. september er 24 tíma gæsla á svæðinu og þurfa því gestir ekki að tilkynna komu sína ef þeir sjá fram á að vera seint á ferð. Sé ferðast saman á mörgum húsbílum eða tjaldvögnum eru menn þó hvattir til að láta vita af ferðum sínum. Stórir tjaldhópar (20+) eru hvattir til að gera slíkt hið sama.

Salernin eru aðgengileg fyrir hjólastóla.

 Opnunartími

Tjaldsvæðið í Laugardal er opið allt árið með eftirfarandi takmörkunum:

• Húsbílasvæði með rafmagni er opið 15. apríl til 15. október
• Full opnun á þjónustu og móttöku er frá 15. maí til 15. september
• Á tímabilinu 15. október til 15. apríl, er gestum að hluta til eða öllu leyti boðin aðstaða og þjónusta á Farfuglaheimilinu við hliðiná.

Nánari upplýsingar um opnunartíma eru birtar á vefsíðu Tjaldsvæðisins: reykjavikcampsite.is

Verð 2018 og 2019

Ein nótt :  2.400 kr
Rafmagn fyrir bíla:  1.000 kr á dag
Internet:  Frítt
Þvottavél:  700 kr
Þurrkari:  700 kr

Vinsamlegast athugið:  Börn yngri en 13 ára dvelja frítt í fylgd með fullorðnum. Ekki þarf að panta gistingu fyrirfram og ekki eru tekin frá pláss. Sé ferðast saman á mörgum húsbílum eða tjaldvögnum eru menn þó hvattir til að láta vita af ferðum sínum. Hópar (20+) fá 10% afslátt af gistingunni.

*Hámarksdvöl eru 7 nætur.